Tshinsansa : Ditanda dia SNEL nyawu diafidi mu quatier Yolo Sud tshiamua tshinene batshibikila ni transformateur wa 630 KW panyima pa ngondu isatu ya disomba mu tshijimajima
Ditanda dia SNEL diapeshi bena mu Yolo sud mu commune wa Kalamu munemu mu Tshinsansa, mimuemue ku mesu. Nanku mbabapesha makelela au wa dimue dia 01 ngondu muitanu eu tshiamu tshia tshinena tshia dishintulula bukola bua nzembua.
Nanku bateki tshine tshiamu etshi bua tshibangisha kuenza mu mesu a diketela mushila nkuasa wa ditanda edi dia SNEL ungatedi ki Teddy Luamba, yeya muimana kulu nunku, waleji bua se udi umona tshienzedi etshi, tshimuenesha patoka muenenu wa malu wa mfumu wa ditunga Félix Antoine Tshilombo wa Tshisekedi.
« Tuanuleji lumingu lushala bua se, tudi mu dimona dimpa dia malu bua kumbusha tshijimajima tshionsu. Nanku lelu nyawu tualu kunutekela tshiamua etshi tshia dishintulula natshi nzembua anyi transformateur. Amu mu menji a kuikala mu dilonda dia menji a mfumu wa ditunga Tatu Tshilombo wa Tshisekedi. Bualu yeya ki musua kumona bana benda ba mu congo badilakana nansha. Etshi kartshie kanena kavu kakayi ni nzembua nansha katshia ku ngondu muibidi. Ki bualu kayi tudi balua bua kunusankisha nunku », ki muambi mfumu mushila nkuasa wa SNEL, Teddy Luamba.
Mu kusangisha, misesu 11 ya mu Yolo sud ni iyikala mitokeshibua ni nzembua eyi. Ni kabidi yeya mfumu mushila nkuasa wa SNEL waleji kabidi bua se nebikala balondeshilula bikola yeya transformateur eu bia se bana bonsu ba yolo sud bikala ni nzembua diba dionso.
Tunuleja bua se commune wa Kalamu, bu mu ma commune a bunyi a munemu mu tshisansa adi ni dikenga dia bunyi bua malu aditangila nzembua, mu misangu ya bunyi mianda idi yumbuka ku bibi iya ku bibia bibiala.
