RDC : Aminata Namasia wedi kashiba ka mbangilu wa mateta a mbula matadi a mbangilu mu tshilongelu tshia Marie Immaculée munemu mu Tshinsansa
Meena tshindonda wa malu a ndongeshilu anyi EPST, ki mamu Aminata Namasia Bazengo nyawu lelu eu wa dimue dia matuku 08 ngondu muitanu tshidimu etshi mu tshilongelu tshia Marie Immaculée mu commune wa Nsele, munemu mu Tshinsansa mpuila mambu.
Nanku yeya meena tshindondi eu wambidi balongi ni balombodi bonso ba bilongelu bavu muaba eu bua se mateta aa a ntuadijilu wa mateta a mbulamatadi, menza bua ku kenketa biakana mamanya a balongi katshia babanga kulonga tooo ni lelu.
« Bikengela balongi bamanya ni mateta ki mvita nansha, kadi udi mushindu udi mbula matadi muteka bua kujomona bimpa mamanya a balongi katshia ku kalasa ka kumpala kakabuelayi tooo ni kadiyi lelu eu. Dijinga dianyi ndia se bipeta bikala bua kupatuka muaba eu, bileja bushuwa mudi dimanya dia mulongi yonso », ki mualeji baba Aminata nunkueu.
Mateta adi balongi babangisha lelo eu wa matuku 8, ni aya too ni ku dia matuku 20 a ngondu muitanu eu, ni kabidi bua mateta aa a 2022-2023, balongi 985.497 anyi bia pa lukama 43,6 bia bana ba bakaji bua tshidimu etshi.
Tumanya ni diteta dia kumpala didi balongi batuadija nadi didi dia kudifundila bualu anyi dissertation, dituku dibidi ni kuikala diakula dia mfualansa mukana, dimanya dia mudimu udi mulonga mu kalasa ni dia ndekelu mateta makuabu masunguluke bua badi balonga tulasa tua midimu ya bianza.
