Ngendu ya tshibengu ya batontolodi ya mu matuku 20 ngondu 5: Ngobila wambi ni wafundi balongodi ba ngendu eyi ku tubadi tunene
Nguvena wa tshimenga tshia tshinsansa Gentiny Ngobila waleji bua se udi uya kafunda ku tubadi aba bavua balongolola ngendu ya tshibengu ya batontolodi ku tubadi lelu eu wa dimua dia matuku makumi 22 ngondu muitanu bua kubenga kuendela mu misesu ivua mibalongoluela ni kabidi bua tshinyangu tshidibu benza mu misesu idibu bendela.
Badi ni bua kufundibua badi aba balombodi ba bisumbu bia tshididi bivu bilomba bua kuenda mu njila bu mudi: Ensemble wa Katumbi Moïse, Ecidé wa Madidi Fayulu, Envol wa Sesanga Delly ni Tshisumbu tshia Matata Mponyo Mapon, bualu bobo aba kabavu balonda njila mibalongoluela bua kuenda nansha.
" Tuvu bumvuangana mu matuku 18 a ngondu muitanu ni bafundi bakulu ba bisumbu ebi bua se bena tshinsansa bikala mu bipola, ki mbalonda to, ki bualu kayi mudibu benza malu aa ku bukola, ndi mbafunda", ki mualeji dimanyisha dia Hôtel de ville wa munemu mu Tshinsansa.
Dimanyisha dialeji kabidi ni bisumbu bia tshididi ebi ni bena diabu mbanyanga bulo bia ma quartier ni bia mpulushi bihita bunyi muamua mu commune wa Ngaba.