Musangu wa 9, wa manaya a Francophonie, Tshondo tshia ditunga RTNC, tshatu biala ni CNJF bua kufuatula ngumu ni bindindimbi bionsu mu bula ni mu butshama
Nkushala matuku matua ku 75 bua dibanga dia manaya a musangu wa 9 a Francophonie munemu mu Tshinsansa, nanku tshisanji tshikulu tshia ditunga dietu RTNC mu dibidi dia matuku 16, ngondu eu munemu mu Tshinsansa, ntshitua biala ni kasumbu ka manaya aa a Francophonie mu tshikosu CNJF bua kuikala mufuatudi mukulu wa ngumu ni bindindimbi bia manaya aa mu ditunga dietu dia Congo wa mungalata.
Tshisanji tshia RTNC qui tshikala bua kufila nshinga kudi bisanji bikuabu bionso bia bulaba bujima bikala bua kulonda manaya aa.
Isidore Kwadja Ngembo udi muikalaa diketela mulombodi wa manaya aa bua muetu munu, waleja mu dipatuka diabu dia kutua biala kumpala kua ba kamona kamba bua se tshibilu etshi tshidi bulaba bujima bua matunga bena mfualansa bindila ni tshienzeka bulelela munemu mu Tshinsansa mu ngondu 2 emu.
Waleji kabidi bua se mu matuku makumi abidi emu batumibua bakuabu ba manaya aa ni balua bafumina ku matunga manene bu mudi Canada, Québec,... Ni mu matuku 9 ni 10, ki mudi batumibua ba matunga onso a bena mfualansa balua kuneku bua kulua kumona bihalu ni bibambalu bionso bia manaya aa. Waleji ba komona kambaa ni bumbusha tshiakuidi tshia se manaya aa ka a kuenzeka nansha.
Tushala kumanya bua se kutua kua biala eku kua tshisanji tshikulu RTNC ni bena Francophonie, kuvu kutua nyaama ku mikolu kudi mena Patrick Muyaya Katembu udi muikala mutangila malu a tudiomba ni muakuidi wa bukalenga buetu bonso bujima.
Biandamuna kudi Kabandanyi wa tatu Kalenga ni mamu Kapinga wa Nyindu
