Kasaï ni Katanga wa madi: Bukula bua nseka mbujimina, kabuena bumueneka mu Province eyi ibidi nansha, Patrick Muyaya waleji bua se kudi bena tubidi tua ndundu ne bena moyi wa lufika ku Zambie badi bikala benza malu aa

Kabiena amu mu Katanga nkayaku nansha, tooo ni ku Kasaï munene, matala kaena amueneka mu bisalu nansha. Bua bukalenga bua muetu munemu mu Congo wa mungalata, bionso ebi mbienza kudi ba wetu 'ba moyi mubi", bobo aba mbakumvuangana ni bangenda ba  ku zambia bua se kabafidi kabidi matala munemu mu Congo nansha. Bualu mbamanya ni ki tshidibua tshia ntuadijilu bua bena katanga ni bena Kasaï.

Une.cd

9 ngondu muitanu 2023 - 12:15
 0
Kasaï ni Katanga wa madi: Bukula bua nseka mbujimina, kabuena bumueneka mu Province eyi ibidi nansha, Patrick Muyaya waleji bua se kudi bena tubidi tua ndundu ne bena moyi wa lufika ku Zambie badi bikala benza malu aa

Kumpala kua ba kamona  kamba makelela awu wa dimue dia matuku 8, ngondu eu muitanu, mu iba mulolo,  Muyaya Patrick waleji bua se bionso ebi bidi amu moyi mubi udi ba wetu kampanda baleja kudi bukalenga bua muetu mu Congo emu.

« Bualu patualondeshi, batuleji ni amu nenu nkayenu, ni bana benu bena tubidi tua ndundu abu, ki badi balua kuyukila ni bangenda mushinga ba munemu mu zambia bua se kabanupanyishi matala  nansha. Tetu, tudi bamanya ni zambi ki udi upana matala mu Kenya, mu Ethiopie ni matunga mahita bunyi a muana wa mukua mufika wa kudi diba dipatukila. Ki mbashikila amu mu zambia to, mbaya benda balomba kudi matunga onsu a mu afrika wa ku butshika bua se kabatumi matala anyi bukula bua nseka muetu munu nansha » ki mualeji mena Muyaya Katembue Patrick.

Pa kumuteleja, mbiumvuika bimpa bua se Muyaya udiyi  wamba eu si udi amu Moïse Katumbi, nguvena wa kala wa ku Katanga wa madi, ukadi mudienza mutontolodi wa bukalenga bua muana wa Ntambua, Félix Antoine Tshisekedi Tshilombo.

Bukalenga buetu bualayi nenku, mukana mua Muyaya bua se,  mandamuna minenke neyikala bua kufidibua  mu matuku makesa adi alonda emu bua tshiyola etshi tshia nzala tshidi tshibuelela mu bukula bua nseka tshijika mu Kasaï ni ku Katanga wa madi. Ke bualu kayi bavu batuma nunku ba mena batua ku banayi bua kuyabu ku ditunga dia afrika wa ku bu tshika ni ku Zambia bua kumona mua kujikija muina muanda eu.

Bikudimuna mu tshiluba kudi Kabandanyi wa Kalenga, muana wa mua Muadi Kapinga.

Une.cd UNE.CD est un média en ligne basé à Kinshasa, capitale de la République Démocratique du Congo, qui collecte, traite et diffuse des informations générales de la RDC, l'Afrique et le Monde. Grâce à nous, l'actualité vous suit partout en temps réel sur votre téléphone, tablette et ordinateur en un seul clic.