EPST : Mateta a ENAFEP matuma panyima pa matuku mu province 7, bualu misheta idi ni mateta aa mifika ni lujoku
Mu province ya ndongeshelu mitua ku 7, bu mudi sankuru 1 ku Lodja, Sankuru 2 ku Lusambu, Tshuapa1 ni 2, kuaka ku Boende, ku Bokungu, Haut Uuélé 1 ni 2, ku Isiro ni Watsa, ku Bas- Uuélé ni Buta, mateta a bana ENAFEP, baatumi pashisha, tuamba ni mu matuku 12 too ni ku 13 a ngondu muisambombo walua kumpala eu.
Bua bafidi ba ngumu kuaka, ku bilo bia Kazadi Tony Muaba, udi muikala mena wa EPST, misheta idi mikala ni nkonku ya mateta aa mifika ni lujoku lua bunyi, bionso ebi amu bua bubi bua njila ya mu misoko yituafumu ku ditela eyi.
Tshilema edi Tony Muaba, udi utshipesha kabidi bambudi, bualu bena dienda baleji bua se bobu bavu bifikisha misheta eyi kudi bambudi kala kala, pa diba divua dikengedibua.
Tumanya bua se mateta aa neabanga mu dia dituku dimue dia Ngondo muisambombo. Tony Muaba Kazadi ni elela kashiba ka ntuadijilu wa mateta aa mu tshimenga tshia Kisangani mudiyi muikala katshia ku dibidi dia matuku 30 a ngondu muitanu, tshidimu etshi, mu meba a kajimba buenyi.
Biandamuna kudi muana wa tatu kalenga Tshitamba ni mamu Kapinga wa Nyindu, Valentin Kabandanyi Kalenga