Bua Muyaya Patrick : « Kumpala kua tshihuhu tshia nunku, bikengela tukuatangana mu mikaba »
Wambidi nunku bena Tshisumbu tshia bena musoko ku Kalehe tshidi tshileja ni diambuluisha dia bukalenga bunena bua mu Congo, ndikesa.
Bena musoko ba ku kalehe baleji ni diambuluisha dia bukalenga bunena ndikesa bikola, kumpala kua tshihuhu tshidi tshibakuata tshishibeya bantu nkama ni nkama kuaka ku Sud Kivu.
Bantu mbafua kutua ku 400 ku mayi a mvula ni dikuluka dia maloba mu misoko ya Bushushu ni Nyamukubi.
Bua mulombodi wa tshisumbu tshia bena musoku ku Kalehe, bukalenga bunene mbuya amu ni misheta ya kujika nayi bantu 50, bapua moyi ni bantu badi bajimina mbatua ku 5000, misheta eyi mikesa mitamba kayena nansha pa tshia lukama tshimua nansha.
« Bukalenga mbulua ni misheta amu 50 bua bantu 5000. Mbia bundu bua bunyi bua kumona tshienzedi tshia mushindu ewu » ki muambi Delphin Birimbi.
Diandamuna dia bukalenga bua ditunga dietu ki ndinenga nansha, mukana mua Muyaya Katembo mumana kutumbisha bidi bukalenga bunene buenze bua kuambuluisha bena ku Kalehe pa kujikija majinga a lukasa lukasa avu mikala amueneka, waleji ni bidi bikengela bobumue bua bena Congo bonso bua kumona bua kusulakaja dikenga dia bana betu aba.
« Kumpala kua dikenga bu edi, bidi bikengela bobumue buetu bonso, kadi tudi tumona ngenzelu ya kutshinyisha nayi bantu mikala ilua kutukengesha. Bidi bikengela kabidi kumanya ni bukalenga bunena kabuena mua kuanyisha bua kusokoka bunyi bua bintu bidibu bikala bafila nansha. Bena musoko, bidi bikengela bua bikala panyima pa bukalenga buetu bua ku province, ni bua munemu mu tshinsansa bua kumona bua kusangisha menji mua kuambuluisha bana betu badi mu dikenga aba », etshi ki miaku ya Muyaya Katembue mena muakuidi wa bukalenga bua Congo kumpala kua ba kamona kamba mu dia matuku 10 ngondu muitanu eu.
Tunuleja kabidi bua se bunyi bua bantu badi bafua ku Kalehe buafiki mu bantu 438 badi bikila bashiyangana ni buloba. Numanya kabidi ni bantu ba bunyi bafululuja ni badi bikala bapanda mbamueneke bu mudi bana batoka aba 2, badi bikala balobibue mu lac kivu. Malu a bukebikebi atshidi atungunuka mu maloba ni miaba yonso bua kukeba ni kuangula bitalu ni badi bashala ni moyi.
Biandamuna mu tshiluba kudi Kabandanyi Kalenga wa Kalenga ni Kapinga.
