RDC :Sama Lukonde mene mwangisa lueka vunda kintuadi n'a ba ntueni ya kisumbulu ya kalehe.
Mfumu ya luyalu Jean-Michel Sama Lukonde kyenge,kele vingilama na bilumbu fioti na telituali ya kalehe,n'a kiziunga ya sud Kivu.yau ikele sambu Na vunda kintuadi n'a familiya ya kisumbulu yina ya mvula,ya kilumbu ya iya ya ngonda tanu.
Sambu Na mfumu ya luyalu Na ndiambu ya lukengelo, monisaka na ba mwangisi nsangu ti,n'anima lukutakanu, Luyalu ya inza kele tala na filakani ndiambu yina ya kisumbulu ya kalehe.
Mfumu ya luyalu zabisaka fioti na yina kele luta na kalehe ti,beno zaba beto ikele n'a kisumbula kele lomba lusadisu,wapi yau mene bebisa bima mingi mpe pesaka lufwa kuluta nkama iya ya bantu.mutindu ya mbote ya kusala ata muangisama n'a ntangu fioti sambu tala ndiambu yina .kansi luyalu ya inza ata sala nzietolo kuna bilumbu kele kwisa kintuadi n'a mfumu ya luyalu na ndiambu ya lukengelo,VPM Peter Kazadi.
Lukutakanu ya bisalu ndiaka tulaka sonso n'a ndiambu ya lukengelo kele yangisa telituali ya kwamouth na kiziunga ya mayi ndombe.vutula kiyeka ya l'état,luzitu, ndembama, lukengelo,tala yau vandaka mikanu bakamaka na luyalu na yina kele luta kuna n'a kiziunga ya Bandundu ya nene." Ntueni fweti zaba ti, mfumu ya luyalu kintuadi n'a ba nsadi mene baka mikanu ya vutula kiyeka ya l'état vidisamaka na bimpumbulu.binvuka n'a beto ya lukengelo fweti zaba tula kingolo ngolo yingila ndembama lukengelo mpe vutukula ya ntueni.mono kele kwikila ti, ngemba ata yinga n'a Mbanza kinsasa mpe na kwamouth,na Kisangani Ku mona na inza Kongo démocratiki vimba".yandi bokilaka.
Yau ikele nkama ya bantu kwisaka baka lufwa Nanima ya mvula nokaka kilumbu ya iya ya ngonda tanu na telituali ya kalehe.ku mona bisumbulu penza na bwala Bushushu mpe nyamukubi n'a kinvuka ya mbinga sud.
Mfumu ya luyalu na ndiambu ya lusadisu , Modeste mutinga,pesaka na zina ya luyalu ya inza, MBongo ku luta millioni mosi ya ba dollars (2.500.000fc)mpe bima Na konso familiya n'a mpasi.
Mfumu ya luyalu na ndiambu ya lukengelo ya ntunga telituali,Guy Loando,n'a yandi n'a ntangu ya masolo na ba mwangisi nsangu kilumbu ya tatu monisaka ndiambu ya nene sambu Na yau.kondwa zitisa ntunga mbote ya ba ntueni,sambu na Guy Loando kondwa zitisama ya ntunga kele yau mene nata bisumbulu.
