Ndambu ya uvua ya Nsaka difalansa : RTNC mene Tula munkoloto sambu na mwangisa kiningi ningi kintuadi na CNJF
Na bilumbu makumi sambwandi na tanu yau mene bikala sambu na yantika Nsaka difalansa ya ndambu ya uvua , RTNC mene Tula munkoloto kilumbu ya Zole,lumbu ya kumi na sambanu ya ngonda tanu,awa na Mbanza kinsasa kintuadi na CNJF bonso ntu mbundu muangisi kiningi ningi na Nsaka difalansa ata yantika na inza Kongo démocratiki.
RTNC ata pesa Kidimbu wapi yau ata mwangisama ntoto vimba n'a munkembo ya Nsaka difalansa. Na basika na bau na lukutakanu, ntuadisi ya Nsaka difalansa Isidore kwadja Ngembo, zabisaka na nkangu na ntuala ba mwangisi nsangu ti, munkembo ya ntoto vimba Mbanza kinsasa kele yilama,ata salama kibeni na ngonda zole mene bikala.
« Mono lenda zabisa beno ti, yantika lumbu ya bubu, Nsaka difalansa ata vanda.ntete mono kele songa beno ti, kinvuka ya nene ya ba ntumwa inza Canada, Québec,ata kuma Mbanza kinsasa lumbu ya makumi zole ya ngonda tanu yai,mpe lumbu ya uvua,ya kumi binvuka ya inza yankaka ta yinga sambu na Nsaka difalansa wapi bau ata mona bibansala mene tungama sambu na yau.beno lenda katu ve tuka bubu tuba ti Nsaka difalansa ata salama ve na Mbanza kinsasa ».
Munkembo ya munkoloto yina ya RTNC kintuadi na CNJF salamaka na Sadisa ya mfumu ya luyalu na ndiambu ya mwangisi nsangu Patrick Muyaya. Ndambu ya uvua ya Nsaka difalansa ata salama kilumbu ya makumi zole na nana ya ngonda sambwandi tii kuna kilumbu ya sambanu ya ngonda nana 2023 awa na Mbanza kinsasa,intu Mbanza ya Kongo démocratiki.
