Mvita na esti : M23 ikele yika kinvuka na bau sambu yingidila baka Mbanza Goma.(lukutakanu ya ba ministele).
Na esti ya inza Kongo démocratiki bimpumbulu ya M23 ikele yika kinvuka na bau sambu yingidila baka Mbanza Goma.mutindu zabisaka lukutakanu ya ba ministele,inua ya jean Pierre Bemba kilumbu ki tanu 26 ya ngonda tanu.
Na ndambu na yandi, ntuadisi mfumu kilandi na ndiambu ya mvita mpe ya makesa, monisaka ti, ndiambu ya lukengelo na esti ikele mbote katu ve wapi bimpumbulu ya M23/RDF kele yika kinvuka na bau sambu yingidila baka Mbanza goma.
Na ndambu ya ntueni kongo, kwisa ya kinvuka makesa ya SADC ikele vingilama sambu na sadisa makesa ya FARDC na kanga nzila na bimpumbulu yina ya M23 mene baka mabwala mingi na kiziunga ya Nord Kivu tuka ngonda mingi.
Tuka ngonda ya ntete ya invu mafunda zole n'a makumi zole na zole ti, bimpumbulu ya M23 tulaka munkoloto na kota na kiziunga ya Nord Kivu na nima bau vutulasamaka na Joseph Kabila na invu mafunda zole na kumi na tatu.tuka bau mene vutuaka nkangu mingi mene baka lufwa na bimpumbulu yina kele baka lusadisu ya Rwanda
